Татарстанда бер атна эчендә 53 кеше агуланган

Ведомство мәгълүматларына караганда, республикада химик матдәләр белән агулануның 53 очрагы теркәлгән. Зыян күрүчеләрнең 51 проценты — хатын-кызлар, 49 проценты — ир-атлар.
Агулану очракларының 19 проценты балаларга туры килә, моның төп сәбәбе — олыларның игътибарсызлыгы аркасында даруларны яки химикатларны ялгыш кабу. Үсмерләр арасында бу күрсәткеч 5,6 процент тәшкил итә.
Аңлы рәвештә агуланучыларның 61,2 проценты исерү яки «баш төзәтү» максатын куйган, ә 38,8 проценты үз-үзенә кул салу нияте белән әлеге адымга барган. Очраклы агуланулар структурасында ялгыш кабу (47%) һәм үз белдегең белән дәвалану (29,5%) алгы планга чыга. Моннан тыш, атна эчендә спиртлы эчемлекләр белән агулануның ике очрагы теркәлгән, алкогольнең кайда сатып алынуы билгесез.