Сәләтлеләр форумда булып кайттылар

Өченче смена Сарман районы укучыларына кызыклы "Сәләт" илендә сәяхәт итәргә мөмкинлеген бүләк итте. Биләр – Алексеевск районының, бик матур табигатьле ял урыны. Монда ял итү өчен, бөтен мөмкинлекләр дә тудырылган, шулай ук монда Изгеләр чишмәсе, фонтан бар. Ә тау башында, изгеләрдән саналган тарихи таш урнаштырылган, аңа 444 баскыч илтә. Волонтерлар барлык истәлекле урыннар белән таныштырып чыктылар, укучылар өчен төрле ярышлар, квестлар уздырылды. Актив укучылар бүләкләнеп кителде. Экскурсия истәлеге итеп һәр укучыга футболка, бейсболка, ручка, блокнот салынган рюкзак бүләк иттеләр. VIII Халыкара яшьләр "Сәләт" белем бирү Форумында катнашу өчен, Биләр музей-тыюлыгының территориясенә Татарстан Республикасының барлык районнарыннан, Россия төбәкләреннән делегацияләр килгән иде. Бу сәфәр барлык укучыларга да бик ошады.

Гөләндәм Хәлиуллина, мәгариф бүлеге методисты