Шәйхелмәрдән абый бәйрәм уңаеннан барлык хатын-кызларга шигырь юллары багышлаган

Менә инде тагын язлар килде, 
Кояшның да җылы карашы. 
Якынайтсын иде назлы караш 
Йөрәк белән йөрәк арасын. 
Бәйрәм белән сезне, гүзәлкәйләр, 
Урын сезгә йөрәк түреннән. 
Теләк шулдыр сезгә чын күңелдән, 
Сәлам сезгә гомер үреннән. 
Туташларга телим насыйп ярлар, 
Ханымнарга – тигез картлыклар. 
Гомерләрнең юлын үтәр өчен, 
Юлдаш булсын бәхет, шатлыклар!