Сарманнан Фәнис Фәретдинов XXVII ха­лы­ка­ра Се­бер ма­ра­фо­нында катнашты

Узган атнада Омск шә­һә­рен­дә XXVII ха­лы­ка­ра Се­бер ма­ра­фо­ны үт­те. Ул Омскның 300 еллыгына багышланган иде. Ан­да Рос­си­я­нең 37 регионыннан һәм 15 чит ил­­дән 9000нән артык ке­ше кат­наш­ты. Марафон­да 50-54 яшьлек ир-атлар арасында Сар­ман авылыннан Фә­нис Фә­рет­ди­нов та үз кө­чен сы­на­ды. Ул 42 ки­ло­метр 195 метр ара­ны 3 сәгать 28 минут 6 секунд эчендә үтте.

- Мин мондый бәйгеләрдә даими катнашам. Омск шәһәрендә генә 10нчы тапкыр чыгыш ясавым бу. Май аенда Казан марафонында 21 километрга йөгергән идем, үз яшь категориямдә тугызынчы урын алдым. Анда Татарстан Республикасы Президенты Рөстәм Миңнеханов та катнашты. Монсында элеккеге футболист Алексей Смертин белән танышу бәхетенә ирештем, - диде Фәнис.