Сарманлылар этнографик диктант яздылар

"Сарман: иң яңа хәбәрләр", 1 ноябрь 2019 - 11:32

1649

Районда ноябрь аеның беренче көне “Зур этнографик диктант” дигән халыкара акция белән башланды.

Ул - дүртенче ел рәттән, ә районда икенче ел үткәрелә. Районда узган ел ул 1 мәйданчыкта үткәрелсә, быел – ике: Сарман урта мәктәбендә һәм Җәлил поселогының икенче мәктәбендә уздырылды. Узган ел аны районда 60 кеше язса, быел этнография буенча үз белемнәрен Сарман урта мәктәбендә сынап караучылар - 122, Ә Җәлил икенче мәктәбендә 105 булды. Теркәүчеләрдән алынган мәгълүматлардан күренгәнчә, Сарман мәктәбендә акциядә иң актив катнашучылар район хакимияте, мәгариф бүлеге, Сарман урта мәктәбе, Сарман гимназиясе, прокуратура коллективлары, ә Җәлил поселогында мәктәпләр, балалар бакчалары, поселок җирлеге, музыка һәм рәсем мәктәпләре, ветераннар советы булган. Киңрәк масштабка килгәндә, этнографик диктантны бүген Россиянең 85 төбәгендә һәм 38 чит илдә яздылар.
Зөлфия Шәрипова язмасы һәм фотолары