Сарманлылар үз хокукларын беләләрме?

10 декабрь - Кеше хокуклары көне. Шул уңайдан без Татарстан Республикасында кеше хокуклары буенча вәкаләтле вәкилнең Сарман районында җәмәгать ярдәмчесе Гөлназ Шәяхмәтовадан котлау алдык. Анда түбәндәге юллар бар:

"Һәр дәүләтнең, бөтен кешелекнең киләчәге тигез хокуклылык һәм гаделлек принципларының үтәлешенә бәйле. 1948 елның 10 декабрендә Кеше хокуклары декларациясе нәкъ шуны күздә тотып кабул ителә дә инде. Хәзерге вакытта да демократиянең хокукый дәүләтнең үсешендә ул декларация зур роль уйный, чөнки кеше хокуклары иң зур кыйммәт дип игълан ителә.

Бу көн уңаеннан котлап, хөрмәтле райондашлар, сезгә исәнлек-саулык, гаделлек һәм яхшылык юлында уңышлар телим".

Әлеге дата уңаеннан без чираттагы сораштыру үткәрәбез. Бер очтан кешеләрнең үз хокукларын белү/белмәүләрен ачыкларбыз.