Сарманлылар Бүзатка эзне суытмый

... Изге яуда яраланган хәлсез егетнең бүз аты, тояклары белән казып, чишмә чыгарган, аның суы егеткә көч биргән... Халыкта шундый риваять яши. Ул чишмә Бүзат чишмәсе дип атала һәм бүген дә аннан кеше өзелми. "Краннан килгән су бик сыйфатлы түгел, дип саныйм һәм шуңа даими чишмәгә йөрим", -ди суга килгән һәм үзен Альберт дип таныштырган ир-ат. Без су алган арада да ике җиңел машина килеп туктады чишмә янына. Шөкер, чишмәләрне карап, төзекләндереп торалар. Кешеләр аларга карата хәерхаклы булсалар, чишмәләр дә шифалы сулары белән җаннарыбызны да, тәннәребезне дә дәваларлар.