Сарманда да мәзәк хәлләр була

Көлке көне (Юләр көне) – 1 апрельдә билгеләп үтелә торган Халыкара бәйрәм. Гадәттә, бу көнне туганнардан, дуслардан яки танышлардан шаяртып көләләр.

Әлеге бәйрәмнең кайсы илдә барлыкка килүе билгеле түгел. Сезгә иң киң таралган фаразларның берсен тәкъдим итәбез. Урта гасырларда Яңа ел 1 гыйнварда түгел, ә март ахырында билгеләп үтелгән. 25 марттан 1 апрельгә кадәр Яңа ел атнасы саналган. Бу вакытта, әлбәттә, шаяртулар, кызыклы уеннар булган, кешеләр бер-берсенә мәзәк бүләкләр ясаганнар һәм «апрель юләре», дип көлгәннәр. Көлке көне шулай барлыкка килгән һәм XVIII гасырда киң таралыш тапкан.

Бу көнне бөтен кешенең дә шаяртканы бардыр, гел булмаса, үзен «юләр» калдырганнардыр. Иң кызыклы очраклар белән танышасыгыз килсә, район газетасының 2 апрель санын укырга онытмагыз.

Илназ Сираев