Сарманда “Балаларыбызның Ак Апасы” исемле күргәзмә үткәрелде

Татар язучысы башка телләргә тәрҗемә ителгән яшүсмерләр өчен күп повестьлар язуы белән танылган. Ләбибә апа әсәрләре ярты гасырдан артык татар балаларының акыллы киңәшчесе, ярдәмчесе, юл күрсәтүчесе булды. Үзенең иҗат гомерен балаларга гына багышлаган язучылар күп түгел. Беренче карашка гади генә вакыйгада зур эчтәлек, тирән мәгънә күреп язды ул. Шул уңайдан Сарман үзәк балалар китапханәсендә «Балаларыбызның Ак Апасы» исемле күргәзмә төзелде, күргәзмәдә «Җир астында җиде төн» исемле повестенә күзәтү ясалды.