Сарман "Кояшкай" балалар бакчасында "Ягез әле, әтиләр!" исеме астында кичә узды

Сарман "Кояшкай" балалар бакчасында уртанчылар төркемендә Ватанны саклаучылар көненә багышланган "Ягез әле, әтиләр!" исеме астында кичә булып узды. Кичә бик күңелле барды: балалар матур итеп әтиләренә багышлап җырлар җырладылар, шигырьләр сөләделәр, уеннар уйнадылар. Ә әтиләр җитезлектә, тапкырлыкта, уңганлыкта сыналдылар. Үзләренең булган, иң яхшы әти булуларын расладылар. Ул: кызларына прическа ясау дисеңме, матур сүзләр белән балаларын мактау дисеңме, бию, җыр һ.б. - болар барысы да безнең бакча балалары әтиләренә хас сыйфатлар. Кичә азагында бакча мөдире И.Г.Ахкамова әтиләрне, малайларны бәйрәм белән котлады. саулык-сәламәтлек, гаилә бәхете теләде.