Сарман гимназиясе Укытучылар көнен бәйрәм итә

Бүген дөнья күләмендә Укытучылар көне билгеләп үтелә. Сарман гимназиясе укучылары да иртәдән башлап күңелле мәшәкатьләр белән мәшгуль. Бәйрәм ыгы-зыгысы эчендә котлаулар күп ишетелде. Башлангычлардан 4 нче Б сыйныфы укучылары (сыйныф җитәкчесе - Равия Хаҗиева) укытучылар өчен бик матур чыгыш әзерләгәннәр. Телевизион тапшыру рәвешендәге тамаша укытучыларыбыз күңеленә хуш килде. Бәйрәм җыр-музыка белән үрелеп барды, укучылар сәнгатьле итеп шигырьләр сөйләделәр, кызык хәлләрне сәхнәләштереп күрсәттеләр.