Республикада кошларны аулауга рөхсәт алу өчен гаризалар кабул итү башланды

Рөхсәт алу өчен Татарстан Республикасы территориясендәге теләсә кайсы күпфункцияле үзәк филиалына мөрәҗәгать итәргә була. Ау планлаштырылган район роль уйнамый.

Гаризаларны кабул итү, кош төренә һәм аларны аулау срокларына карамастан, бер үк вакытта башкарыла.

Рөхсәт түбәндәге документлар нигезендә бирелә:

- рөхсәт алуга гариза;

- шәхесне раслаучы документ (паспорт оригиналы);

- ау билеты (оригинал);

- рөхсәт бирү өчен дәүләт пошлинасы түләү турында квитанция (650 сум);

- табигать объектларын файдаланган өчен түләү турында квитанция (көртлеккә рөхсәт алганда).

Рөхсәтне гариза бирүченең вәкиле дә ала ала. Моның өчен түбәндәге документлар булырга тиеш:

- гади язма формадагы ышаныч хаты (гариза бирүче һәм ышанычлы кешенең паспорт мәгълүматлары (сериясе, номеры, кем һәм кайчан биргән, яшәү, теркәлү урыннары), башкарыла торган гамәлләр, имзалар, дата күрсәтелә);

- рөхсәт алуга гариза;

- ышанычлы кешенең шәхесен раслаучы документ (паспорт оригиналы);

- ышаныч бирүченең шәхесен раслаучы документ (паспорт күчермәсе);

- ышаныч бирүченең ау билеты (оригинал яки күчермә);

- рөхсәт бирү өчен дәүләт пошлинасы түләү турында квитанция (650 сум);

- табигать объектларын файдаланган өчен түләү турында квитанция (көртлеккә рөхсәт алганда).

Ау сроклары:

- 4 апрель – 6 май – йөзүче үрдәкләрне аулау.
- 11 – 20 апрель – суда йөзүче кошларны аулау (үрдәкләр, казлар).
- 18 – 27 апрель – урман кошларын аулау (суерлар, көртлекләр, вальдшнеплар).

Рәсем ясалма интеллект ярдәмендә генерацияләнде.