Республикада керемнәр чыгымнарны каплый

2026 елның 1 мартына Татарстанның берләштерелгән бюджетына салым һәм салым булмаган түләүләрдән 84,5 миллиард сум кергән. Шуның 71,1 миллиард сумы — Татарстан бюджетына, 13,4 миллиард сумы — җирле бюджетларга тулыландыру булып күчкән.

Керемнәр
— Берләштерелгән бюджетның төп чыганагы — физик затларның кеременә салым. Хисап чорында республика бюджетына бу түләүдән 29,6 миллиард сум кергән. Табышка салым 17,8 миллиард сум тәшкил иткән. Иң зур түләүләр нефть-газ комплексыннан, төзелеш, энергетика, химия, нефть химиясе һәм машина төзелеше тармакларыннан алынган. Акцизлардан 8,2 миллиард сум, милек салымнарыннан 15,8 миллиард сум кергән. Штрафлар — салым булмаган керемнәр — республика бюджетына 10 миллиард сум, җирле бюджетларга 1,6 миллиард сум күчерелгән. Быелның гыйнвар-февраль айларында керемнәр чыгымнарны тулысынча капларга җиткән, — диде Татарстан финанс министры урынбасары Алла Анфимова «Татар-информ» агентлыгында узган матбугат конференциясендә.

Чыгымнар
— Татарстанның берләштерелгән бюджетының гыйнвар-февральдәге чыгымнары 66,8 миллиард сум булды. Хезмәт хаклары түләнгән, шулай ук гыйнвар-февральгә планлаштырылган эшләргә акчалар күчерелгән. Татарстанда быел 11 илкүләм проектны тормышка ашыруга 53 миллиард сум юнәлтеләчәк. Арада иң мөһимнәре — «Тормыш өчен инфраструктура», «Гаилә», «Яшьләр һәм балалар», «Азык-төлек иминлеген технологик тәэмин итү», «Пилотсыз авиация системалары» һәм «Озын һәм актив тормыш» илкүләм проектлары бар. Татарстанның дәүләт бурычы — 97 миллиард 978 миллион сум. Алдагы ике елда шуның 44 миллиард сумын бетерү планлаштырыла, — диде Татарстан финанс министры урынбасары Гела Герасимова.