Республикада явым-төшемсез җылы һава торышы булачак
Бүген Татарстанда алмашынучы болытлы һава көтелә, явым-төшем булмаячак, дип хәбәр итә «Татар-информ» МА.
ТР Гидрометеорология үзәге хәбәр итүенчә, төньяк-көнчыгыштан исәчәк җилнең тизлеге секундына 6-11 метр булачак.
Төнлә температура +4 градустан -1 градуска кадәр, республиканың көнчыгышында урыны белән -5 градуска кадәр суыту көтелә. Көндез һава +8…+13 градуска кадәр, кайбер урыннарда +16 градуска кадәр җылыначак.
Иртәнге сәгатьләрдә юлларда бозлавык ихтимал. Сарман районында да республика климаты саклана. Шулай да, алданмагыз: чирлисегез килмәсә, калынрак киенегез. Иртән һәм кич белән һава торышы әлегә язгыча кала.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев