Республикада беренче сыйныфка гаризалар кабул итү 1 апрельдә башлана

ТР Мәгариф һәм фән министрлыгы матбугат хезмәте хәбәр иткәнчә, документларның тулы пакетын Дәүләт хезмәтләре порталы аша кабул итү быелгы төп яңалык булачак. Бу турыда «Татар-информ» мәгълүмат агентлыгы яза.

Беренче этап – 1 апрельдән 30 июньгә кадәр. Бу этапта мәктәпкә беркетелгән территориядә яшәүче балалар, шулай ук өстенлекле хокукка ия булган гаиләләрдән гаризалар кабул ителә.

Икенче этап – 6 июльдән 5 сентябрьгә кадәр. Бу этап башка райондагы яки билгеләнгән территориягә кермәгән мәктәпне сайлаган ата-аналар өчен.

Гариза тапшыру ысуллары:

- Шәхсән мәктәпкә барып

- Почта аша

- Мәгариф оешмасының электрон почтасы аша

- Татарстан Республикасы Дәүләт һәм муниципаль хезмәтләр порталы аша 

Гариза формасы һәр мәктәпнең рәсми сайтында урнаштырылачак.

Кабул итү турында боерык чыгару сроклары:

- Беренче этап буенча: 1 июльдән 5 июльгә кадәр

- Икенче этап буенча: гариза тапшырганнан соң 5 эш көне эчендә

Әгәр баланы беренче сыйныфка кабул итүдән баш тартсалар, ата-аналар муниципаль Мәгариф идарәсенә мөрәҗәгать итә ала. Анда бәхәсле мәсьәләләрне хәл итү һәм башка мәктәпләрдә буш урыннар турында мәгълүмат бирәчәкләр.

Кайнар элемтә телефоннары (1 апрельдән эшли башлый): 8 (843) 237-75-05, 8 (843) 237-74-36 (чит ил гражданнары өчен).

Эш сәгатьләре: 9:00 – 18:00.