Республика җиңүчеләре арасында сарманлылар да бар

Чара тантаналы рәвештә узды hәм Республика архив хезмәтенең 105 еллыгына багышланды. Бүләкләнүчеләр арасында безнекеләр дә бар. Район Башкарма комитетының архив бүлеге мобиль стеллажлар алыр өчен грантка ия булды. Ләке авыл җирлеге башкарма комитеты, иң яхшы җирле үзидарә органы буларак, үзләренең архив бүлеген ремонтлау, "Игәнә" ансамбленең документларын саклау hәм популярлаштыру өчен 375 меңлек грант отты.
Тантанада "Минем шәҗәрәм" бәйгесенең республика җиңүчеләрен дә бүләкләделәр. Урта hәм зурлар төркемендә Сарман гимназиясе укучысы Румия Насыйбуллина, Җәлил беренче санлы урта мәктәбе укучысы Камилә Хаҗиева икенче урынга лаек булдылар.