Райондашларыбызга кичке ашка әзерләү өчен макароннан туклыклы ризык рецептын тәкъдим итәбез

400 гр макарон, 300 гр ыслап әзерләнгән казылык, 2 татлы борыч, 2 помидор, 150 гр сыр, бер баш сарымсак, майонез, кетчуп.
Казылыкны саламлап, татлы борычны шакмаклап, помидорны боҗралап турыйбыз. Сырны эре угычтан чыгарабыз. Сарымсакны вак угычта уабыз, макаронны пешереп куябыз.


Табага май сылап, һәр продуктны катламлап тезәбез. Иң башта табага майонез һәм кетчуп салып болгатылган макарон белән казылыкны салабыз. Аннары өстенә борыч белән помидор өстибез. Сыр сибәбез. 200 градуска кадәр җылытылган газ миченә 20 минутка куябыз.

https://vk.com/tatarshlari