Районда славян язуы һәм мәдәнияте көне билгеләп үтелде

Бүген - 24 майда славян илләре халыклары Славян язуы һәм мәдәнияте көнен билгеләп үтәләр. Әлеге истәлекле дата уңаеннан районда да зур чара оештырылды - үзәк китапханә коллективы район үзәге мәктәпләренең башлангыч сыйныф укучылары өчен славян язуы һәм мәдәниятенә багышланган бәйрәм үткәрде. Анда катнашучыларны иң элек район Советы аппараты җитәкчесе Фәндәс Вәлиев тәбрикләде. Китапханә хезмәткәрләре балаларга славян просветительләре Кирилл һәм Мефодий турында сөйләделәр, славян язуы һәм мәдәнияте барлыкка килүнең тарихы белән таныштырдылар. Укучылар үзләре дә шигырьләр сөйләделәр, кызыклы уеннарда катнаштылар.