Районда бүген өстәмә сайлаулар үтә

Бүген районның өч җирлегендә өстәмә сайлаулар үтә. Бер мандатлы 5 нче номерлы Җәлил, 6 нче санлы Иске Имән, 1 нче санлы Чукмарлы сайлау округлары буенча муниципаль берәмлекләрнең вәкиллекле органнарына бушаган урыннарга депутатлар сайлыйлар.

Чукмарлы авылында халык бердәм килгән һәм үз тавышын биргән инде. Җәлил халкы да үз җае белән сайлауларга килә.

- Иске Имән халкы бүгенге сайлауларда да, үзара салым өчен тавыш бирүдә дә актив булды, - ди авыл җирлеге башлыгы Раушания Исламова. - Җирлек язмышына битараф булмаганнары өчен барысына да зур рәхмәт.