Равия – җиңүче

Республиканың Яшьләр эше, спорт һәм туризм министрлыгы «Татарстан Республикасында иреклелекне үстерү үзәге» региональ яшьләр җәмәгать оешмасы белән берлектә профильле юнәлешләр буенча эшләүче ирекле (волонтерлык) оешмаларның социаль инициативаларына булышлык йөзеннән, «Алга» дип исемләнгән Республика конкурсы уздырды. Районның Бөек Ватан сугышы һәм туган якны өйрәнү музее хезмәткәре Равия Салихова мөмкинлекләре чикләнгән балалар белән эшләү буенча «Без булмасак, кем?!» («Кто, если не мы?!») дип исемләнгән проект белән конкурста катнашты һәм җиңүгә иреште. Җиңүчеләрне котлау Казанның «Регина» кунакханәсендә үтте.