"Сар­ман мәгъ­лү­мат-мө­хәр­ри­ят үзә­ге" "Солдатта булган, диләр" фотоконкурсының чираттагы катнашучысы - Раушан Нуриев

Мин Куҗак авылында яшим. 2005 елның җәеннән 2007 елның җәенә кадәр Калининград өлкәсе, Гвардейский районы, Знаменск бистәсендә урнашкан Һава һөҗүменә каршы гаскәрләрендә хезмәт иттем. Өйдән бик ерак булуга карамастан, әллә ни авыр булмады, беренче 2-3 ае гына сагындырды, аннары күнегеп беттем, кайтыр вакыт килеп җиткәнен сизми дә калдым. Кайтып киткәндә дуслардан, хезмәттәшләрдән аерыласы килмәде, бик моңсу булды, ике ел эчендә армия минем икенче гаиләм булды. Шулай да, кайтып туганнарны, әти-әнине күрү мизгеле кадерлерәк иде. Быел армия сафларыннан кайтканыма 11 ел була дип язып җибәрде безгә үзе турында Раушан.