Матбугат үзәгеннән көн рецепты – яшел фасоль белән кыздырылган сыер ите

Кирәк булалар:

- соя соусы - 6 аш калагы;

- лайм согы - 3 аш калагы;

- кызыл борыч (лачаулар формасында) - 1 чәй калагы;

- сарымсак - 4 өлешчек;

- җир чикләвеге мае - 4 аш калагы;

- сыер ите - 450 грамм;

- кузаклы фасоль - 450 грамм;

- кызыл болгар борычы - 1 данә;

- кукуруз крахмалы - 2 чәй калагы;

- шикәр - 4 аш калагы.

Шикәр, соус, лайм согы, лачаулар формасындагы борыч, вак итеп туралган сарымсак, 3 аш калагы җир чикләвеге маен бутыйбыз. Әлеге катнашманы нечкә итеп туралган сыер ите белән бутыйбыз. Бүлмә температурасында 15 минут маринадлыйбыз.

1 аш калагы чикләвек маен табада җылытабыз. Маринадланган сыер итен салабыз һәм көчле утта 2 минутка якын кыздырабыз (көрән төскә кергәнче). Маринадны кырыйга алып куеп торабыз.

Чистартылган фасоль һәм туралган баллы кызыл борыч өстибез. Бутап, 3 минут пешерәбез.

Маринадны крахмал белән бутыйбыз. Табага салабыз һәм, шулай ук бутап, 1 минутка якын пешерәбез. Кайнар дөге белән бирергә була.

Барлыгы 30 минут вакыт кирәк.