Матбугат үзәгеннән көн рецепты – бөтнек һәм базилик белән караҗиләк чәе

Сезгә бөтнек һәм базилик белән караҗиләк чәе рецептын тәкъдим итәбез.

Кирәк булалар:

- караҗиләк - 300 грамм;

- әфлисун - 1 данә;

- бөтнек - 3 сабак;

- шәмәхә базилик - 1 сабак;

- су - 1 литр;

- бал - 1 аш калагы.

Караҗиләкне лимонад шешәсенә салабыз. Кайнар су өстибез. 15-20 минут тотабыз.

Әфлисун турыйбыз, согын сыгабыз. Бер өлешен бизәү өчен боҗралап турыйбыз.

Караҗиләк янына әфлисун согы, кисәкләре, базилик, бал һәм бөтнек өстибез.

Суытабыз, стаканнарга салабыз, боз өстибез, әфлисун боҗралары һәм бөтнек белән бизибез.

Барлыгы 1 сәгать вакыт кирәк.