Матбугат үзәгеннән көн рецепты – бәрәңгедән вафли

Кирәк булалар:

- тавык йомыркасы - 1 данә;

- каймак - 150 грамм;

- он - 100 грамм;

- тоз, ачы тартылган борыч - 1 чеметем;

- рафинадланган үсемлек мае - 2 аш калагы;

- бәрәңге - 400 грамм.

Чи бәрәңгене вак кыргычта кырабыз (эредә кырсак, пешеп бетмәскә мөмкин). Бераз сыгабыз.

Йомырка, он, каймак өстибез, тоз, борыч сибәбез.

Теләк буенча пресс аркылы чыгарылган вак туралган суган, укроп һәм сарымсак өстәргә була. Шуннан камыр чыга.

Вафлилар өчен форманы үсемлек мае белән сылыйбыз.

Формаларга камыр салабыз һәм 180-190 градуста 10 минут пешерәбез.

Йомшак вафлилар чыксын дисәгез, 15 минут тотыгыз. Вафлиларны формадан алгач, кире яклары белән пергаментка куеп, формасыз гына тагын 7-10 минут духовкада пешерәбез. Алсу кабык барлыкка килергә тиеш.

Барлыгы 45 минут вакыт кирәк.