Әлфиназ белән Рәзилә республика күләмендә танылу алдылар

Сәнгать мәктәбе укучылары Әлфиназ һәм Рәзилә Бәдертдиновалар кечкенә генә булсалар да, инде төрле дәрәҗәдәге конкурсларда җиңүләр яуларга өлгерделәр. Алар икесе дә сәнгатьле итеп шигырь укыйлар, Әлфиназ моның өстенә җырлый да. Әле күптән түгел генә Яр Чаллы шәһәрендә үткән республика "Бәхет йолдызы" фестиваль конкурсында апалы-сеңелле Бәдертдиновалар -"Нәфис сүз", Әлфиназ шул ук бәйгенең"Вокал-соло" номинациясендә дә беренче дәрәҗә лаурает булдылар. Әлфиназ, моннан тыш, Минзәләдә үткән республика "Әдәби-туган як" фәнни-гамәли конференциясендә чыгыш ясап, беренче дәрәҗә диплом белән бүләкләнде.