"Халык контроле" хата табучылар арасында конкурс игълан итте

Кеше хокуклары буенча вәкаләтле вәкил — «Халык контроле» дәүләт мәгълүмат системасының баш модераторы Татарстанда татар телендәге хаталы элмә такталары яки татар теленә тәрҗемә ителмәгән язуларны табучылар өчен конкурс игълан итте. Бәйге 2021 елның 1 февраленнән 1 сентябренә кадәр үткәрелә. Ун җиңүче сайлап алынып, аларга диплом һәм кыйммәтле бүләкләр тапшырылачак.