2026 елда картлык буенча иминият пенсиясе алу хокукына 1962 елгы ир-атлар һәм 1967 елгы хатын-кызлар ия булачак.
Бу хакта Россия Социаль фондының Татарстан буенча бүлеге идарәчесе Эдуард Вафин «Татар-информ» агентлыгына хәбәр итте.
Пенсия билгеләнсен өчен ике төп таләпне үтәү мөһим:
* Иминият стажы: ким дигәндә 15 ел;
* Пенсия коэффициентлары: 30дан аз булмаска тиеш.
Әгәр кешенең стажы яки коэффициентлары җитми икән, ул хезмәт эшчәнлеген дәвам итә яки иминият взносларын ирекле рәвештә түли ала.
Игътибар итегез: тиешле стаж һәм коэффициентлар булмаганда, гражданнарга бары тик социаль пенсия генә биреләчәк. Ул стандарт пенсия яшеннән биш елга соңрак билгеләнә: ир-атларга — 70, хатын-кызларга 65 яшьтә тапшырыла.
Нет комментариев