Иске Минзәләбаш һәм Яңа Имән авыл җирлекләрендә җыеннар узды

Иске Минзәләбаш һәм Яңа Имән авыл җирлекләрендә җыеннар зур активлык белән үтте. Аларда район Башкарма комитеты җитәкчесе Ләис Нуретдинов, "Җәлил" агрофирмасы генераль директоры Эдвард Төхбәтуллин катнаштылар һәм чыгышлар ясадылар. Полиция участок уполномоченныйлары Радик Шәмсиев, Руслан Харисов үз участокларында һәм район күләмендәге криминоген хәлнең торышы белән таныштырдылар. 2016 елда башкарылган эшләр хакында Иске Минзәләбашта - җирлек башлыгы Әлфинур Мияссарова, Яңа Имәндә башкарма комитет җитәкчесе вазифаларын башкаручы Рөстәм Гәрәев хисап тоттылар. Җыенга килүчеләргә Иске Минзәләбашта - район, Яңа Имәндә авыл үзешчәннәре матур концерт программасы бүләк иттеләр. Ахырда бүләкләүләр булды. Халык үзен борчыган сорауларын бирде, аларга җавап алды.

Иске Минзәләбаш авыл җирлегендә үткән җыен

Яңа Имән авыл җирлегендә үткән җыен