Фәндәс Вәлиев парламент дәресе үткәрде

Сарман муниципаль район Советы аппараты җитәкчесе Фәндәс Вәлиев һәм Иске Кәшер авыл җирлеге башлыгы Раян Дәүләтҗанов мәктәп укучыларына парламент сәгате үткәрделәр. 
Фәндәс Вәлиев укучыларга хәзерге җәмгыять тормышында парламентның әһәмияте һәм роле турында сөйләде, ничек уңышлы булырга киңәш итте, шулай ук күпсанлы сорауларга җавап бирде. Очрашу барышында яңгыраган сораулар балаларның дөнья хәлләрен актив рәвештә күзәтеп торуларын һәм сәяси яктан хабәрдәр булуларын күрсәтте.