Дамир абый телебезне нәрсә белән чагыштыра?

 - Һәр илнең үзенең төп законы – Конституциясе бар. Конституциясе булмаган ил мөстәкыйль дәүләт була алмый. Аннан башка ул рухи һәм матди байлыкларын да арттыра, үстерә алмый. Һәр ил үзенең тормышын Конституция нигезендә алып бара, шул закон нигезендә кешеләрнең хокуклары, мәнфәгатьләре яклана. Конституция тел сагында да торырга тиеш. Безнең дә үз телебез, үз Конституциябез бар. Телебез әле дәүләт теле дә булып тора. Шунысын да онытырга ярамый: тел дәүләт һәм халык тарафыннан берлектә сакланганда гына чәчәк атачак, мәдәниятебез тагы да тулыланачак, тормышыбыз матурланачак, - ди районыбызда яшәп иҗат итүче шагыйрь, робагыйлар остасы, тарихчы, галим Дамир абый Гарифуллин.

 Сезгә Дамир абыйның Конституциябез, Туган телләр елы уңаеннан язган “Татар теле, татар сүзе” дигән шигыренең сүзләрен һәм видеоязмасын тәкъдим итәбез, хөрмәтле райондашлар!

Зөлфия Шәрипова язмасы һәм видеосы