Өчөйле Саклау авыл китапханәсендә Муса Җәлилне искә алдылар

Һәр халыкның үлемсез шагыйрьләре, патриотлары була. Патриот сүзе үз Ватаныңны ярату дигән мәгънәне аңлата. Безнең илебез, аның данлы тарихы патриотларга бик бай. Без патриот дип атаган кешеләр үз тормышларын Туган ил язмышыннан башка күз алдына да китерә алмыйлар: гомерләрен туган халкына, Ватаны азатлыгы, иминлеге һәм матур тормышы хакында хезмәткә яки көрәшкә багышлыйлар.Алар үлгәннән соң да халык йөрәгендә яшәүләрен дәвам итәләр. Муса Җәлил шундый патриотларның берсе. Өчөйле Саклау авыл китапханәсендә татар халкының бөек шагыйре М.Җәлилне искә алу ае уңае белән" Муса Җәлил-герой шагыйрь" дип исемләнгән күргәзмә эшләнде.