Бердәмроссиялеләр бәйрәм чыршысы бизәделәр

“Теләкләр чыршысы” хәйрия акциясе кысаларында “Бердәм Россия” сәяси партиясенең Сарман җирле бүлекчәсе башкарма комитеты хезмәткәрләре һәм активистлары үзәк район шифаханәсенә чыршы урнаштырдылар, аны матур итеп бизәделәр.
- Яңа ел җитәргә күп калмады. Узып баручы ел безне бик нык сынады. Яңа төрле вируслы авыру аркасында күпме сарманлылар кыенлыклар кичерделәр. Авыруларны дәвалау, аякка бастыру өчен, районның шәфкать ияләре бик күп көч куйдылар. Аларга без зур рәхмәтле. Әлеге чыршыбыз табибларга, шәфкать туташларына, гомумән, барлык медицина персоналына, дәваланучыларга бәйрәм кәефе өстәсен, - ди партиянең җирле бүлекчәсе Башкаручы секретаре Гөлшат Салихова.
Яңа ел кичендә теләкләр чынга аша, диләр. Уй-хыялларыгыз тормышка ашсын, сәламәт булыйк, дуслар.

Альбина Сабирова