Балыкны сатып алганда игътибар итәргә кирәкле биш билге

Кытай басмасы балыкны ашарга ярамаган очраклар турында яза. Автор сүзләренчә, балыкта файдалы матдәләр бик күп. Ләкин ул тиз бозыла, тәмен югалта һәм анда начар матдәләр барлыкка килә. Шулай да күп кенә сатучылар бозылган балыкны да сатарга тырыша. Балыкны сатып алудан тыелырга мәҗбүр итә торган биш билгене РИА Новости хәбәр итте.

Беренчедән, балыкның күзенә карарга кирәк. Әгәр алар ялтырамаса, болганчык булса, товар бик озак сатылмый ята дигән сүз. Мондый балыкны ашамау хәерле.

Балыкка бармак белән басып карагыз. Әгәр ул эластик булса, ул чагыштырмача яхшы була, әгәр киресенчә булса, балыкны алмау хәерле.

Балыкның саңаклары караңгы кызыл төстә булса, ялтырап тормаса, товар озак яткан. Саңаклары ачык кызыл төсле, ялтырап торса, балыкны алырга була.

Балык койрыгына да игътибар итәргә кирәк. Койрыгы булмаса, ул җимерек булса, балык авыру булуы ихтимал. Авыру балыкны ашарга ярамый.

Яхшы балыктан ләм яки балык тәңкәсе исе килә. Ә озак яткан балыктан сасы ис тарала. Аны зур ташлама белән булса да, сатып алырга ярамый, диелә хәбәрдә.

ЧЫГАНАК