Бакчадагы бөтен үсемлеккә ярый торган ашламаны ничек ясарга?
Бакчадагы барлык үсемлекләр – яшелчәләр дә, агачлар да ярата торган бер ашлама бар. Ул чүпрә белән ясала. Бу турыда киңәшләр сайтында языла.
Чүпрәле эремә тамыр ясалышына да, яшел өске өлеше үсүгә дә ярдәм итә, иммунитетны ныгыта. Ул помидорга, кыярга, баклажанга, борычка, җиләккә, агачлар һәм куакларга ярый.
Чүпрәле ашламаны сезонга өч тапкыр кертергә кирәк.
10 литр җылы суга 100 грамм чи чүпрә, 5 аш кашыгы шикәр комы салып, яхшылап болгатыгыз. Аннары бу эремәгә 0,5 литр коры агач көле салыгыз да 2 сәгать төнәтегез. Тавык тизәге булса, 0,5 литр чамасы аны өстәргә була.
Барлыкка килгән концентратны чиста килеш кулланырга ярамый. Аны 1:5 чагыштырмасында чиста суга кушарга кирәк. Шушы эремәне бакчадагы барлык үсемлекләрнең төбенә сибеп чыгыгыз, диелә хәбәрдә.
Чыганак: https://intertat.tatar/news/bakcadagy-boten-usemlekka-yaryi-torgan-aslamany-nicek-yasarga-5853264
Следите за самым важным и интересным в Telegram-каналеТатмедиа
Нет комментариев