Армиягә китә егетләр

Бүген Сарман хәрби комиссариатында егетләрне армиягә озату тантанасы булды. Өч райондаш, җиде Мөслим районы егете Ватан алдындагы бурычларын үтәргә сәфәргә кузгалдылар. Аларны әти-әниләре, якыннары, дуслары, хәерле юл теләп, озатып калдылар.

- Үзебез теләп барабыз. Хезмәт итмәгән егет - чын ир-егет түгел. Һәркем Ватан алдындагы бурычын үтәргә тиеш, - диләр егетләр.

Исән-имин, сәламәт булып, хәрби бурычыгызны лаеклы үтәп, туган якларыгызга әйләнеп кайтырга язсын сезгә, егетләр! Ил-көннәребез тыныч булсын. Бер ел - күп вакыт түгел, күңелле очрашулар көтсен!