Әминә апа авыр елларга бирешмәгән

Әминә апа Әлмәт авылында туып-үсә, балачагы һәм үсмер чагы авыр сугыш һәм аннан соңгы елларга туры килә. Яшьли тормыш арбасына җигелә, гомер буе колхозда тырыш хезмәт куеп, лаеклы ялга чыга. Тормыш иптәше белән өч бала тәрбияләп үстерә.
Әминә апаны олы юбилее белән район башлыгы Фәрит Хөснуллин тәбрикләде, Рәхмәт хаты, истәлекле бүләк тапшырды. Юбилярга котлау сүзләрен шулай ук социаль яклау бүлеге начальнигы Лилия Гыйльметдинова, ”Шәфкать” үзәге директоры Ландыш Мөхлисуллина, район ветераннар советы рәисе Асыляр Харисов, Әлмәт авыл җирлеге башлыгы Данияр Газизов җиткерделәр.
Әминә апа хакындагы тулырак язманы газетабызның киләсе саннарының берсендә укый аласыз.