Америкага киткән Сарман егете сәлам юллаган

Тәвәккәл таш ярыр, ди халык мәкале. Спортчы егетебез Марат Сәлаховның күптән түгел Эльбрус тавына күтәрелүе хакында без сайтыбызда да, "Сарман" газетасында да язып чыктык. Хыялларын чынга ашырырга дип, Марат шушы көннәрдә Америкага китте.

- Күптәнге хыялым иде. Чит илдәге тормыш, андагы эш кызыксындырды. Инглиз телендә сөйләшергә өйрәнәсем килә. Кечкенә булса да, уңышларым да бар, - диде Марат, хәбәрләшкәч. 

Әйе, ике көн эчендә үзенә шөгыль табып, шактый акча эшләргә дә өлгерде Марат. Без аның яшәү, хезмәт итү шартларын аның инстаграм битеннән күзәтеп барабыз. 

Ә хәзергә барлык райондашларына Маратның сәламен җиткерәбез.