Александровкада халык җыены үткәрелде

Бүген, 18 январь көнне, Александровка авыл җирлегендә авыл җыены үткәрелде. Авыл җирлеге башлыгы Рафаэль Хәлиуллин узган ел башкарылган эшләр турында сөйләде. "Җәлил" агрофирмасы директоры урынбасары Илшат Вәлиев узган елгы эшләр белән таныштырды, быелгы ел бурычларына тукталды. Полициянең участок уполномоченные райондагы һәм җирлектәге криминоген хәлгә тукталды.

Җыелышта район башлыгы урынбасары Гүзәл Гәрәева катнашты һәм районның узган елгы социаль-экономик хәле белән таныштырды, башкарылган эшләр турында сөйләде. Җаваплы хезмәткәрләр, җыелышларда катнашкан район оешмалары җитәкчеләре һәм вәкилләре җирлек халкының күп санлы сорауларына җавап бирделәр.