“Ачык ишекләр көннәре”

18-20 мартларда, һөнәргә юнәлеш бирү кысаларында, Саклаубаш, Нөркәй, Петровка-Завод авыл җирлекләрендә "Ачык ишекләр көннәре" - мәктәп укучылары, аларның әти-әниләре һәм, гомумән, авыл халкы белән очрашулар узды. Сарман аграр көллияте укучылары көче белән зур концерт оештырылды. Бу чара авыл халкы өчен зур бәйрәм төсе алды. Соңыннан узган дискотека да һәркемнең күңелен күтәрде. Очрашуларда "Сарман мәгълүмат-мөхәррият үзәге" хезмәткәрләре дә катнашты. Теләгәннәр шунда ук "Сарман" газетасына языла алдылар. Бүген шундый очрашу Иске Кәшер авыл җирлегендә узачак.