30 июньдә Татарстанда җилле-яңгырлы көн булачак
Татарстан гидрометеорология үзәге мәгълүматларына караганда, бүген республика территориясендә үзгәрмә торышлы һава шартлары көтелә, дип яза «Татар-информ» МА.
Көн дәвамында болытлылык артачак, урыны белән кыска вакытлы явым-төшемнәр булып узачак. Иң көчле яңгырлар көнчыгыш районнарга төшәчәк, ә Казандагы явым-төшем ихтималы бик түбән.
Җилнең төньяк һәм төньяк-көнбатыштан секундына 8-13 метр тизлектә исүе көтелә, ләкин көн уртасына аның тизлеге 17-22 метрга (Казанда 15-20 м/с) кадәр артачак. Һава температурасы төнлә +10...+15 градус тирәсендә булса, көндез термометрлар +18...+23 градуска (башкалада +21...+23 градуска) күтәреләчәк.
Район территориясендә дә шундый ук һава торышы көтелә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев