Бүген республика территориясендә алмашынучан болытлы һава шартлары көтелә. Татарстан Гидрометеорология үзәге хәбәр итүенчә, көндез һәм кичке сәгатьләрдә урыны белән кыска вакытлы явым-төшемнәр узачак, яшен һәм боз явуы да ихтимал, дип яза «Татар-информ» МА.
Җил юнәлеше үзгәрүчән: төньяк-көнбатыштан башлап, көн дәвамында ул көньяк-көнчыгышка күчәчәк. Тизлеге — секундына 5–10 метр, ә көндезге-кичке сәгатьләрдә урыны белән 15–20 метрга кадәр көчәячәк.
Һава температурасы көндез +24…+29 градуслы җылыны күрсәтәчәк.
Гидрометеоүзәк гражданнарга көн дәвамында саклык чараларын күрергә, ачык һавада эшләгәндә яшен һәм көчле җилне исәпкә алырга тәкъдим итә.
Нет комментариев