Исмәгыйловлар гаиләсе Алтын туйларын билгеләп үтәләр

Районыбызның хөрмәтле гаиләләренең берсе – Исмәгыйловлар алтын туйларын билгеләп үтәләр. Аларны истәлекле көннәре белән муниципаль район башлыгы Фәрит Хөснуллин, Татарстан Республикасында Суд департаменты идарәсе начальнигы Җәүдәт Салихов тәбрикләделәр, бөтен гомерләрен яшь буынга белем һәм тәрбия бирүгә багышлаган Равил Зариф улы белән Римма Әхмәтҗан кызына изге теләкләрен җиткерделәр. Бүген дә районыбыз тормышында актив катнашулары өчен рәхмәт әйтеп, гаилә иминлеге, тигезлек, муллык, сәламәтлек теләделәр.