Ковид госпиталендә шартлау булган

Төркиядә коронавирустан дәвалау госпиталендә шартлау булган. Нәтиҗәдә сигез кеше һәлак булган. Бу хакта Anadolu агентлыгы хәбәр итте. Шартлау Төркиянең көньягындагы Газиантеп шәһәрендә университет госпиталендә, интенсив терапия бүлегендә булган. Анда дәваланып ятучы авырулар вафат булган. Мәгълүматлар буенча, кислород баллоны шартлаган. Үлүчеләр – сигез. Зыян күрүчеләр турында хәбәр булмады, дип белдерде ТАСС.

Алсу ТӨХВӘТУЛЛИНА

Өмет