Татарстанда бер атна эчендә янгыннарда 4 кеше һәлак булган
31 декабрьдән 7 гыйнварга кадәр Татарстанда чыккан янгыннар нәтиҗәсендә дүрт кеше һәлак булган, тагын алтысы имгәнгән.
Бу хакта Гадәттән тыш хәлләр министрлыгы (ГТХМ) мәгълүматларына сылтама белән «Татар-информ» МА хәбәр итә. Коткаручылар ут эченнән җиде кешене эвакуацияли алган.
Россия ГТХМенең Татарстан Республикасы буенча Баш идарәсе матбугат хезмәте хәбәр итүенчә, янгыннарның төп сәбәпләре — электр үткәргечләреннән файдалану кагыйдәләрен бозу, ут белән саксыз эш итү, шулай ук мич һәм морҗа җиһазларының төзек булмавы.
Коткаручылар балаларны күзәтүчесез калдырмаска һәм аларга янгын вакытында үз-үзеңне тоту кагыйдәләрен аңлатырга киңәш итә. Шулай ук җылыту, газ һәм электр приборларының төзеклеген күзәтеп торырга, йортның электр челтәрен тикшерергә кирәк. Янгын очрагында кичекмәстән «101» номерына шалтыратырга кирәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев