Тарихчылар татар авыллары тарихы турында сөйләштеләр

Бүген район хакимиятенең утырышлар залында «Минзәлә елгасы бассейнында урнашкан татар авыллары: тарих һәм бүгенге көн» дигән темага фәнни-гамәли конференция үткәрелде.

Конференция эшендә Бөтендөнья татар конгрессының Милли шурасы әгъзалары Фәрит Уразаев, Альберт Борһанов, Казан шәһәре Идел буе һәм Вахитов районнары имам-мөхтәсибе Йосыф хәзрәт Дәүләтшин, тарихчылар, укытучылар, дин эшлеклеләре һәм башкалар катнаштылар.