Сарманлылар Мөслимне гөрләтте

Кичә Сарман районы үзешчәннәре зур концерт белән Мөслим районының Иске Вәрәш авылында булып кайттылар. Мөслимлеләрне район Башкарма комитеты җитәкчесе Фәндәс Вәлиев сәламләде, күчтәнәч итеп, Сарман икмәген тапшырды. Райондашларыбыз ут күршеләргә «Көлке дусларын җыя» дигән театральләштерелгән концерт-тамаша күрсәттеләр. Мөслимлеләр район җырчылары, биючеләренең чыгышлырын алкышларга күмделәр.

Алар: «Дуслык күпере киләчәктә дә өзелмәсен, аралашып яшәргә насыйп булсын», — дигән теләктә аерылыштылар.