Сарманлылар күңел дә ачтылар, бүләкләр дә алдылар + ВИДЕО

"Сарман: иң яңа хәбәрләр", 30 август 2021 - 20:59

968

Моннан 31 ел элек 30 августта Татарстанның дәүләт суверенитеты турындагы декларация кабул ителгән иде.

Бүген шул уңайдан район үзәгендәге Ял паркында “Чәчәк ат, Татарстаным!” дигән зур бәйрәм танатанасы үткәрелде.
Сарманлыларны иң элек район башлыгы Фәрит Хөснуллин тәбрикләде, районның иң тырыш хезмәтчәннәренә дәүләт бүләкләре тапшырды. Соңыннан бәйрәм районның сәхнә осталары, үзешчәннәр башкаруындагы концерт номерлары, дискотека белән дәвам итте.
Бәйрәм мәйданында сәүдә нокталары эшләде.
Зөлфия Шәрипова язмасы, фотолары һәм видеолары