Район эшмәкәре республикада “Ел хатын-кызы” исеменә лаек булды

Кичә Казанда “Ел хатын-кызы. Ел ир-аты: хатын-кыз карашы - 2023” республика бәйгесе җиңүчеләрен бүләкләделәр. Салих Сәйдәшев исемендәге Дәүләт Зур концертлар залында узган чарада катнашучыларны иң элек ТР Дәүләт Советы Рәисе Фәрит Мөхәммәтшин тәбрикли. Тантанада район Башкарма комитеты җитәкчесе урынбасары Индира Сәхипова җитәкчелегендәге район хатын-кызлары делегациясе дә катнашты. Бәйгедә “Хатын-кыз – Бизнес леди” номинациясендә Иске Имән авыл җирлеге эшмәкәре Раушания Айрат кызы Газизова җиңүче дип танылды.