Нияз һәм Дания Фатыйховлар Сарман өчен тавыш бирделәр

"Сарман: иң яңа хәбәрләр", 15 март 2024 - 09:03

468

Бүген район үзәгендә урнашкан 2532 нче сайлау участогында да иртәдән үк кызу эш башланды.

Сарманда яшәүче яшь гаилә Нияз һәм Дания Фатыйховлар участокка беренчеләрдән булып килгәннәр иде.
— Сайлау — безнең өчен бик әһәмиятле вакыйга. Шуңа күрә Президент сайлауларына бергәләп килдек, — диләр алар.
Дания ханым район үзәк хастаханәсендә шәфкать туташы булып эшли.

— Хезмәт хакыбыз начар түгел, социаль түләүләр дә алабыз. Алар киләчәктә дә дәвам итсен, тормышыбыз тагы да яхшырсын. Яшьләр дә туган җирләрендә күбрәк калсыннар. Без бүген менә шулар өчен тавыш бирәбез, — диде ул.