Кәүҗияк почтальоны «ТАТМЕДИА» җәмгыяте бүләгенә лаек булды

Сарман беренче санлы почта элемтәсе бүлекчәсенең 1 класслы почтальоны — Кәүҗияк авылы халкына почта хезмәте күрсәтүче тәҗрибәле хезмәткәр Газизуллина Фәйрүзә Зөфәр кызы «ТАТМЕДИА» җәмгыяте генераль директоры Шамил Садыковның Рәхмәт хаты белән бүләкләнде.

Җирлектә үткән җыенда район башлыгы Фәрит Хөснуллин, җирлек башлыгы Фиргать Хөснетдинов, Сарман мәгълүмат-мөхәррият үзәге җитәкчесе Альбина Сабирова, аны тәбрикләп, чәчәк бәйләме, истәлек бүләге дә тапшырдылар.